Қырғызстанда Асқар Ақаевтың уақытша депкомиссия құру туралы өтінішінен бас тарту ұсынылды
Жогорку Кенештің Конституциялық заңнама, мемлекеттік құрылым, сот-құқықтық мәселелер және регламент комитеті бұрынғы президент Асқар Ақаевтың уақытша депутаттық комиссия құру және экс-президент мәртебесін қалпына келтіру туралы мәлімдемесін қарады. Комитет төрағасы Чолпон Сұлтанбекова бұл өтініштің Жогорку Кенешке 3 қыркүйекте түскенін еске салды. Талқылауда депутат Гуля Қожоқұлова бұл мәселені жан-жақты зерделеу үшін уақытша депутаттық комиссия құру қажеттігін атап өтті, - деп хабарлайды Arbat.media.
Депутат Жанар Ақаев Асқар Ақаевтың тұсында елде отбасылық-кландық басқару өркендеп, Ақсый оқиғасы болғанын еске алды, деп жазады Кабар агенттігі.
Талқылауда комитет А.Ақаевтың мәлімдемесін назарға алып, оны Жогорку Кенештің қарауына енгізді, сондай-ақ Жогорку Кенешке А.Ақаевтың уақытша депутаттық комиссия құру туралы өтінішін қанағаттандырудан бас тартуды ұсынды.