Спорт

Заира Сабитова

21 қазан 2024

Зарина Дияс камбэк жасап, Түркиядағы турнирдің чемпионы атанды

Қазақстандық теннисші Зарина Дияс Кайсери (Түркия) ITF W50 турнирінің жеңімпазы атанды. Қазақстандық теннисші финалда әлемнің 224-інші, осы жарыстың 3-ракеткасы, Беларусь өкілі Алена Фалеймен чемпиондық атақты сарапқа салды. Бірінші партияда белоруссиялық теннисші Заринаға еш мүмкіндік берген жоқ - 6:0. Екіншісінде Зарина Дияс 3:0 есебімен алға шыққанымен, Фалей таразы басын теңестірді. Дегенмен Зарина тағы бір брейкпен түйіндеді - 6:4. Үшінші, шешуші сетте Фалей алға кетті - 2:0. Бірақ қазақстандық теннисші есепті теңестіріп қана қоймай, өзі алға шықты - 5:3. Сосын өзі доп бергенде, екінші матчболын пайдалана білді - 6:3.Тартысты матч 2 сағат 6 минутқа созылды. 

Спорт

Заира Сабитова

20 қазан 2024

Зарина Дияс Түркияда бір күнде екі матч өткізіп, финалға шықты

Қазақстандық теннисші, әлемнің 488-ракеткасы Зарина Дияс Кайсери (Түркия) ITF W50 турнирінің финалына өтті. Қазақстандық теннисші жартылай финалда дүниежүзілік рейтингіде 485-орында тұрған ресейлік Екатерина Маклакованы айқын басымдылықпен ұтты – 6:1, 6:2. Бір сағат 6 минутқа созылған ойын барысында Зарина 6 брейкке қол жеткізді. Маклакова 2 брейктен аса алмады. Бүгін осының алдында З.Дияс ширек финалда түркиялық Дениз Дилекті ойсырата ұтқан еді – 6:0, 6:2. 

Спорт

Заира Сабитова

18 қазан 2024

Жәмила Бақбергенова Тиранадағы әлем чемпионатында фавориттер тізіміне енді

Тиранада күрес түрлерінен олимпиадалық емес салмақ дәрежелері бойынша өтетін әлем чемпионатында қазақстандық спортшы Жәмила Бақбергенова фавориттер тізіміне енді. Бұл туралы 1bol.kz хабарлайды. Біріккен күрес әлемі әйелдер арасында 72 келіге дейінгі салмақ дәрежесінде Жәмила Бақбергенова үздік спортшы ретінде атанып отыр. Оның бәсекелесі ретінде әлем чемпионатының күміс жүлдегері, Азия чемпионы, жапониялық Ами Исиидің есімі аталды.

Спорт

Заира Сабитова

17 қазан 2024

Қазақтың жас боксшылары әлем чемпионатында бақ сынайды

Бокстан Қазақстан әйелдер, ерлер құрамасы әлем чемпионаты алдындағы дайындығын Алматы облысында пысықтап жатыр. Бапкерлер штабы әлем біріншілігіне қатысатын спортшылардың есімін жария етті. 

Спорт

Заира Сабитова

15 қазан 2024

Нұрбек Оралбай біраз уақыт рингке шықпайды - бас бапкер

29 қыркүйек пен 5 қазан аралығында Шымкент қаласында халықаралық турнир өтті. Бокстан Қазақстан ерлер құрамасының бас бапкері Қайрат Сәтжанов жарысты қорытындылап, шаршы алаңға шыққан боксшылардың өнерін бағалады. 

Спорт

Заира Сабитова

15 қазан 2024

Қазақстан командасы академиялық есуден Өзбекстандағы Азия чемпионатында тоғыз жүлде алды

Академиялық есуден Қазақстан командасы Самарқандта (Өзбекстан) өтіп жатқан Азия чемпионатында сәтті өнер көрсетті. Біздің спортшылар турнирде тоғыз жүлде алды. 

Спорт

Заира Сабитова

14 қазан 2024

Назгүл Маратова Grand Slam турнирінің қола жүлдесін жеңіп алды

Қазақстандық дзюдошы Назгүл Маратова Әбу-Дабиде (БАӘ) Grand Slam турнирінің қола жүлдегері атанды. Назгүл 100 келіден жоғары салмақта ресейлік Анастасия Холодилинамен татамиге шықты.Голден скорда ресейлік дзюдошы үшінші ескертуін алып, жеңіс Назгүлге берілді. Тағы бір қазақстандық Карина Такиева осы ауыр салмақта хорватиялық Хелена Вуковичпен белдесті. 

Спорт

Заира Сабитова

13 қазан 2024

Шавкат Рахмоновтың UFC чемпионы титулы үшін жекпе-жегі Лас-Вегаста өтеді

Жеңілмеген қазақстандық файтер Шавкат Рахмоновтың (18-0) келесі жекпе-жегі Лас-Вегаста өтетіні белгілі болды. UFC Шавкат Рахмоновтың келесі кездесуі туралы хабарлады. Былғары қолғап шебері Шавкат Рахмонов 310-шы нөмірлі турнирге 7 желтоқсан күні АҚШ-тың Лас-Вегас қаласында жұдырықтасады. Оның қарсыласы орта салмақтағы америкалық спортшы Белал Мухаммад (24-3). 

Спорт

Заира Сабитова

11 қазан 2024

Қазақстан құрамасы Австриядан ойсырай жеңілді

Футболдан Қазақстан құрамасы UEFA Ұлттар лигасының В дивизионында үшінші ойынын сырт алаңда Аустрияға қарсы өткізді. Алғашқы минуттан австриялық футболшылар тізгінді қолға алуға тырысты. Олай болатын жөні бар. Бұған дейінгі екі турда олар небәрі бір ұпай жинады. Қазақстан құрамасының еншісінде де дәл осындай ұпай жазылған. Австриялық футболшылар қарқынына тойтарыс берген қазақстандық құрама негізінен қорғанысқа көңіл бөлді. Ойынның 10-минутында қорғаушы Нұралы Әліптің өрескел қателігін шебер пайдаланған австриялық Кристоф Баумгартнер өз құрамасын алға шығарды. Бұдан кейін де олардың тарапынан бірнеше шабуыл өрбіді. Екінші кезеңде австриялық құрамадан Филипп Линхарт 54, Марсель Забитцер 56, Маттиас Зайдль 77-минутта мергендік танытты. Осылайша Қазақстан құрамасы қарсыласына 0:4 есебімен жеңіліп қалды. 

Спорт

Заира Сабитова

10 қазан 2024

Рафаэль Надаль спорттағы мансабын аяқтайды

Әлемнің бұрынғы бірінші ракеткасы Рафаэль Надаль Дэвис кубогының финалынан кейін мансабын аяқтайтынын айтты. 38 жастағы теннисші қарашаның 19-ы мен 24-і аралығында Малагада өтетін Дэвис кубогының финалына соңғы рет шығады. 

Спорт

Заира Сабитова

10 қазан 2024

Тегін автобустар: Алматы әкімдігі Қазақстан-Словения ойыны алдында мәлімдеме жасады

13 қазан күні сағат 18:00-де Алматының Орталық стадионында УЕФА Ұлттар лигасының топтық кезең аясында "Қазақстан–Словения" матчы өтеді. Алматы қаласының Спорт басқармасы жанкүйерлерге билетті алдын ала Қазақстан футбол федерациясының ресми серіктесі Ticketon қызметінен сатып алуға және дүрлігіп, ығы-жығы болмас үшін Орталық стадионға ертерек келуге шақырды. Билет стадион кассасында сатылмайды. Орталық стадионға сағат 16:00-ден бастап кіруге болады. 

Спорт

Заира Сабитова

10 қазан 2024

«Барыс» хоккей клубының бас директоры қызметінен кетті

«Барыс» хоккей клубының бас директоры Борис Иванищев қызметінен кетті. Борис Иванищев 2006-2018 жылдар аралығында елордалық клубта вице-президент міндетін атқарды. 2018 жылдан бері президент қызметінде болды. 2022 жылдан бері «Барыс» Құрлықтық хоккей лигасы плей-офф сатысына шыға алмай келеді. Биыл команда он төрт ойынның небәрі екеуінде жеңіске жетіп, қалғанында қарсыластарына есе жіберді. Салдарынан команда турнир кестесінде ең соңғы орынды місе тұтып тұр.