22 жастағы қазақстандық қызға Солтүстік Кипрде пышақпен шабуыл жасалды

Қазақстан Сыртқы істер министрлігі Солтүстік Кипрде 22 жастағы қазақстандық қызға пышақпен шабуыл жасалғанын растады, деп хабарлайды Arbat.Media.

Алдын ала мәлімет бойынша, оқиға Никосия қаласындағы супермаркеттердің бірінде болған. Күдікті Жанерке есімді қазақстандыққа пышақпен шабуыл жасап, кейін өзіне қол жұмсамақ болған. Екеуі де ауруханаға жеткізілген.

Дәрігерлердің мәліметінше, бойжеткен ауыр жарақат алған. Қазір оның өмірі үшін күрес жүріп жатыр.

Бейресми ақпаратқа сәйкес, шабуыл жасаған адам қыздың бұрынғы жігіті болуы мүмкін. Алайда бұл ақпарат әзірге ресми түрде расталған жоқ