27 жыл бұрын пайда болған ICQ мессенджері жұмысын тоқтатады

27 жыл бұрын пайда болған ICQ мессенджері жұмысын тоқтатады. Мессенджердің ресми сайтында «ICQ 26 маусымда жұмысын тоқтатады» деген хабарлама пайда болды, - деп хабарлайды Arbat.media.

Израильдік Mirabilis компаниясы мессенджерді 1996 жылы іске қосты.

Интернеттің алғашқы күндерінде бұл үлкен жетістік болды: бүкіл әлем бойынша 100 миллионнан астам адам ICQ қолданды.

Іске қосылғаннан кейін екі жыл өткен соң, AOL интернет-провайдері мессенджерді 400 миллион доллардан астам сомаға сатып алды, бірақ ICQ танымалдылығы бірте-бірте төмендеді.

Одан кейінгі жылдары мессенджер басқа қолданбалармен ығыстырылып, бірте-бірте өзінің маңызын жоғалтты.

2010 жылы ICQ ресейлік Mail.ru тобына (қазіргі VK Group) бар болғаны 187,5 миллион долларға сатылды.