40-тан астам ел Навальныйдың өліміне қатысты халықаралық тергеу жүргізуді талап етті

40-тан астам ел Навальныйдың өліміне қатысты халықаралық тергеу жүргізуді талап етті. Бұл туралы Женевада БҰҰ Адам құқықтары жөніндегі кеңесте ЕО өкілі Лотте Кнудсен мәлімдеді, - деп хабарлайды Arbat.media.

«Біз ресейлік оппозициялық саясаткер Алексей Навальныйдың өліміне наразымыз, ол үшін басты жауапкершілік президент Путин мен Ресей билігіне жүктеледі», - деді ол.

«Ресей оның кенеттен қайтыс болуының мән-жайын тәуелсіз және ашық халықаралық тергеуге мүмкіндік беруі керек».

Мәлімдемеге барлығы 43 мемлекет қосылды.

Оның арасында ЕО-ның 27 елі, сондай-ақ АҚШ, Канада, Ұлыбритания және Украина бар.