Америкалық әйел ішегінің ортасында өскен сәбиді дүниеге әкелді

Америкалық әйел ішегінің ортасында өскен сәбиді дүниеге әкелді, - деп хабарлайды Arbat.media.

37 жастағы әйелі он күн бойы іші қатты ауырып, ісініп кеткен соң ауруханаға түсті.

Дәрігерлер оған іш қуысында жатырдан тыс жүктіліктің 23 аптасы деп диагноз қойған.

Бала анасының құрсағында емес, ішек ілмектерінің арасында дамып, өсіп-өнген. 

Мұндай ауытқудың ықтималдығы 0,02% құрайды, деп хабарлайды New England Journal of Medicine медициналық басылымы.

Жатырдан тыс жүктілік анаға өте қауіпті, себебі ол ішіне қан кетіріп, жатыр түтігінің жарылуына әкелуі мүмкін. Әдетте, ондай жүктілік тоқтатылады. 

Тек ерекше жағдайларда ғана баланы құтқаруға болады. Америкалық әйел дереу университет клиникасына жатқызылып, ол 29 аптада босанды. Үш айдан кейін ана мен бала клиникадан аман-есен үйіне шығарылды.