АҚШ-тағы ресейлік виза орталығының екі филиалы жабылады

Ресейдің АҚШ-тағы елшісі Анатолий Антонов Вашингтон мен Нью-Йорктегі ресейлік виза орталықтарының жабылатынын мәлімдеді. Сонымен қатар, америкалық билік ресейлік дипломаттарды салықтан босату артықшылығынан айырды, - деп хабарлайды Arbat.media.

"Олар біздің салықтан босату картамызды алып алды. Бұл карта кез келген елдегі дипломаттарға артықшылық беріп, өмір сүруге және жергілікті қазынаға салық төлемеуге мүмкіндік беретін", - деп түсіндірді ол.

Айта кетсек, 2020 жылдың желтоқсанында Америка Құрама Штаттары ресейлік дипломаттардың елде болуына үш жылдық шектеу енгізген. 

Осы шектеуге байланысты 27 дипломат және олардың отбасы 2022 жылдың 30 қаңтарына дейін, ал тағы 28 адам 2022 жылдың 30 маусымына дейін АҚШ-тан кетуге мәжбүр болған.