АҚШ Украинаға жарты миллиард доллар бөлуді көздеп отыр

АҚШ энергетика жүйесін қолдау үшін Украинаға жарты миллиард доллар бөлуді көздеп отыр, - деп хабарлайды Arbat.media.

Бұл туралы АҚШ мемлекеттік хатшысының энергетикалық ресурстар жөніндегі көмекшісі Джеффри Пайетт мәлімдеді.

Ол Вашингтонның осы мақсатқа қазірдің өзінде 520 миллион доллар бөлгенін атап өтті.

Пайетт Киевке алдағы қыстың алдында елдің энергетикалық жүйесінің тұрақтылығын арттыру үшін қысқа мерзімді де, болашақта Украинаны ЕО-ның энергетикалық жүйесіне толықтай интеграциялау үшін ұзақ мерзімді де көмек көрсетілетінін айтты.

Вашингтон, сондай-ақ, Украинаға өзінің энергетикалық жүйесін орталықсыздандыруға, орнықтырақ және қоршаған ортаға зиянсыз етуге көмектеседі.