БҰҰ: Ливаннан Сирияға 100 мыңға жуық адам қашып кеткен

Израильдің Ливандағы «Хезболла» радикалды шииттік қозғалысына қарсы әскери операциясы басталғаннан бері Ливаннан Сирияға 100 мыңға жуық адам қашып кеткен.  БҰҰ-ның босқындар ісі жөніндегі жоғарғы комиссары Филиппо Грандидің айтуынша, Сириямен шекараға келушілер ағыны тоқтамайды. БҰҰ қызметкерлері жергілікті билік пен Қызыл жарты ай қызметкерлерінің қолдауымен төрт бақылау бекетінде жұмыс істейді, - деп хабарлайды Arbat.media.

Белгілі болғандай, босқындардың 60%-ға жуығы сириялықтар, қалғаны ливандықтар.

Бұдан бұрын Ливан премьер-министрі Наджиб Микати Израильдің жаппай әуе шабуылдары басталғаннан кейін үйлерін тастап кеткендер саны миллионға жуықтағанын айтқан.

Ол мұны «Ливан тарихындағы адамдардың ең көптеп қоныс аударуы» деп атады.