Еуроодақ Украинаға 4,36 млрд еуро бөлді

Еуропалық комиссия Ukraine Support Loan несиелік бағдарламасы шеңберінде Украинаға 4,36 млрд еуро жіберді. Оның 3,7 млрд еуросы осы жылға келісілген макроқаржылық көмектің екінші траншы болса, тағы 658 млн еуро елдің қорғаныс қажеттіліктеріне бөлінген, деп хабарлайды Arbat.Media.

Соғыс басталғалы бері Еуропалық одақ пен оған мүше мемлекеттер Украинаға жалпы сомасы 235,9 млрд еуро көмек көрсеткен. Бұған Ресейдің бұғатталған активтерінің түскен кіріс есебінен алынған 3,8 млрд еуро да кіреді.

Ukraine Support Loan аясында Киевке берілетін несиенің жалпы сомасы 90 миллиард еуро болды. Қаражат елдің 2026-2027 жылдардағы қаржылық қажеттіліктеріне кетеді.