Еуропадағы су тасқыны: бірқатар елде жағдай қиын күйінде қалып отыр

Еуропадағы су тасқыны: бірқатар елдерде жағдай қиын күйінде қалып отыр. Су тасқынынан кем дегенде 8 адам қаза тапты, құрбандар саны Румынияда көп. Чехияда тағы төрт адам із-түзсіз жоғалып кетті. Елдің шығысында Крнов қаласы толық су астында қалды, тұрғындары тікұшақтардың көмегімен су басу аймағынан құтқарылуда, - деп хабарлайды Arbat.media.

Австрияның Санкт-Пельтен қаласында бөгеттің бұзылуы салдарынан бүкіл қала аумағы да су астында қалды.

«Бұл біз бұрын-соңды кездеспеген ерекше жағдай», - деді Төменгі Австрия штатының премьер-министрі Йоханна Микл-Лайтнер.

Ел астанасы Венада аттас өзен арнасынан асып, кейбір жолдарды су басты.

Австрияда төтенше жағдайлар қызметінің 25 мыңнан астам қызметкері мен мыңға жуық әскери қызметкер жұмылдырылған.