Гавел сыйлығы түрмеде отырған түрік Кавалаға берілді

Гавел сыйлығы  өмір бойына бас бостандығынан айырылған түрік филантропы Кавалаға берілді, - деп хабарлайды Arbat.media.

Түрік кәсіпкері, меценат және белсенді Осман Кавала Вацлав Гавел атындағы адам құқығы сыйлығын жеңіп алды.

Бұл шешім ЕКПА-ның күзгі сессиясының ашылуында айтылды.

"Бүгінгі таңда, өз батылдығымен, қайсарлығымен және күшімен бостандық жолын көрсеткен әйелдер мен ерлерге құрмет көрсету бұрынғыдан да маңызды. Олардың күресі бәрімізге үлгі", - деді ЕКПА президенті Тини Кокс.

Түркияда Кавалаға «үкіметті төңкеруге әрекеттенді» деген айып тағылған.

Түркиядағы мәдени жобаларға көмектескен меценаттың өзі бұл марапатты әділетсіз түрмеге жабылған жерлестеріне арнады.