Газа халқының 75%-ы босқынға айналды

Газа халқының 75%-ы бомбалау салдарынан босқынға айналды, - деп хабарлайды Arbat.media.

Газадағы 1,8 миллионнан астам адам үйін тастап көшуге мәжбүр болды. Бұл Газа халқының 75 пайызын құрайды, деп хабарлайды Guardian.

Жаңартылған деректерді БҰҰ-ның гуманитарлық мәселелерді үйлестіру басқармасы жариялады. Бұған дейін бұл ұйым 1,7 миллион адам ел ішінде қоныс аударғанын мәлімдеген.

Тек сенбі күні Газадағы жарылыстардан 160 палестиналық қаза тапты. Онда Джабалия босқындар лагеріндегі алты қабатты ғимарат пен қала аймағындағы тұрғын үйлер алаңы жарылған.

«Жарылыстар алдында Израиль күштері оларды аймақтарды тастап кетуге шақыратын парақшалар тастады», - делінген департаменттің хабарламасында.