Германияда Израильмен ынтымақтастық шерулері жоспарланды

Бранденбург қақпасы Израиль туының түстерімен жарықтандырылды, - деп хабарлайды Arbat.media.

Германия канцлері Олаф Шольц қақпаның суретін жариялап, "Израильден бізге сұмдық жаңалық келді. Газадан атылған зымыран мен зорлық-зомбылықтың күшеюіне қапа болдық. Германия ХАМАС-тың бұл шабуылдарын айыптайды және Израильді қолдайды" деп жазды.

"Израиль өзін қатыгез террордан қорғауы керек. Шабуылға ұшыраған израильдік достарымызға толық ынтымақтастығымды білдіремін", - деді Германия президенті Франк-Вальтер Штайнмайер.

Ал Берлин полициясы қаланың бір ауданында ХАМАС-тың Израильге шабуылын тойлау үшін көшеге шыққанын хабарлады.

"Израильге қарсы қайталанатын мәлімдемелер мен зорлық-зомбылықты дәріптеуге байланысты кездесу басталғаннан кейін көп ұзамай тоқтатылды. Кейбір жағдайларда жеке басын анықтау жұмысы жүргізіліп, қылмыстық істер қозғалды", - деп хабарлады Берлин полициясы.

8 қазан, жексенбі күні Германияның бірнеше қалаларында, атап айтқанда, Берлин мен Дюссельдорфта Израильмен ынтымақтастық шерулері жоспарланған.