Грузияның Еуроодаққа кіру процесі іс жүзінде тоқтатылды

Грузияның Еуропалық Одаққа кіру процесі іс жүзінде тоқтатылды.  ЕО басшылары елде қабылданған «шетел агенттері» туралы заңды Грузияға ЕО кандидаты мәртебесі берілген кезде Еуропалық комиссияның ұсынымдарынан ауытқу деп атады. Бұл туралы Брюссельде өткен Еуропалық Одақ басшыларының саммитінің қорытындысы бойынша жасалған мәлімдемеде айтылған, - деп хабарлайды Arbat.media.

Грузияны «Грузияның ЕО-ға өту жолына қауіп төндіретін қазіргі әрекет бағытын өзгертуге» шақыруда. Грузия оппозициясы Ресейдің «шетел агенттері туралы» заңының көшірмесі деп атайтын «Шетелдік ықпалдың ашықтығы туралы» заң маусым айының басында күшіне енді.

Ал бір күн бұрын Грузия парламенті «ЛГБТ насихатына» тыйым салатын 19 заң жобасын бірінші оқылымда қабылдады.

Айта кетсек, Грузия Еуропалық Одаққа кіруге үміткер ел мәртебесін 2023 жылдың желтоқсанында алған болатын.