Иран мен Хамас өкілдері Мәскеуде кездесті

Иран мен Хамас өкілдері Мәскеуде кездесті, - деп хабарлайды Arbat.media.

Иран сыртқы істер министрінің орынбасары Әли Багери Кани көптеген елдер лаңкестік ұйым деп танитын Хамас саяси бюросының мүшесі Әбу Марзукпен Израиль мен Хамас арасындағы атысты тоқтату туралы мәселені талқылады, деп жариялады Мәскеудегі Иран елшілігі.

Елшілік дипломаттың сөзін келтіреді: «Тегеранның шетелдік тараптармен келіссөздердегі басымдығы — тез арада атысты тоқтату, халыққа көмек көрсету және Газаның репрессиялық блокадасын жою.

Бұған дейін Хамас өкілдері де Ресей шенеуніктерімен кездескен.

Израиль сыртқы істер министрлігі мұны «лаңкестердің қатыгездігін заңдастыратын абыройсыз қадам» деп атады.