«Иран режимін сынағаным үшін зорлады». Германияда ирандық босқынды алты адам зорлаған

«Иран режимін сынағаным үшін зорлады». Германияда ирандық босқынды алты адам зорлаған. Қылмыс жексенбі, 8 қыркүйекте белгілі болды. 30 жастағы Әмір — Изерлон қаласындағы сыра зауытының ғимаратында тұрған, - деп хабарлайды Arbat.media.

«Мен үйде үш күн тұрдым, үй иесі сыра зауытының ғимаратын бөлшектеу кезінде жиналған металл сынықтарын қарауымды өтінді», - дейді жәбірленуші.

Сенбі күні таңертеңге дейін оны үйге түнеп шыққан достары келген. Кешке ол жалғыз қалды, күтпеген жерден бетперде киген алты адам пайда болды.

«Олар ұялы телефонымды алып, Instagram-дағы профилімді өшіруді және Иран режиміне қарсы желіде жариялаған барлық жазбамды жоюымды талап етті», - деді Әмір.

Одан бас тартқан кезде ер адамдар алдымен оны ұрып, кейін қол-аяғын арқанмен байлаған. Келесі жарты сағатта қылмыскерлер жас жігітті заттармен зорлап, басынан және бетінен қайта-қайта ұрған. Куәгерлер жәбірленушінің шарасыздықтан жан дауысымен айғайлаған дауысын естіп полиция шақырған.

Азаптаушылар Әмір Т.-ны пышақпен жаралаған кезде полиция қызметкерлері келді.

Қамауға алынған төрт қылмыскер жәбірленуші сияқты парсы текті Голландия және Дания азаматтары. Олардың екі сыбайласы әлі қашып жүр.

Der Spiegel басылымының хабарлауынша, бұл адамдар Иран режимінің жақтастары және олардың құрбанын қорлағысы келген.

Олар зорлауды видеоға түсіріп алған.

«Тергеушілердің қолында ұялы телефонда қылмыстың бейнежазбасы бар.Ол күдіктінің тәркіленген ұялы телефондарының бірінен табылды және жәбірленуші сипаттаған қылмысты көрсетеді», - деді Майкл Бургграф, Хаген прокуратурасының баспасөз хатшысы.