Израиль мен Түркияның қарым-қатынасы қалай өрбиді
Израиль мен Түркияның қарым-қатынасы бұзылды ма, - деп хабарлайды Arbat.media.
1949 жылы Түркия Израиль мемлекетін мойындаған алғашқы мұсылман мемлекеті болды.
Содан бері түрік-израиль қарым-қатынасы бірде құлдырап, бірде жақсарды.
20 қыркүйекте Нью-Йоркте Ердоғанмен кездесуінен кейін Нетаньяху екі ел арасындағы қарым-қатынастың жақсарып келе жатқанын айтқан еді.
Бірақ бір айдан сәл уақыт өткен соң, Таяу Шығыста қақтығыс басталған тұста Түркия президенті Израильді «әскери қылмыскер» деп атады және Нетаньяхумен одан әрі байланысын тоқтататынын жариялады.
Түркия қазір Израиль қоғамында Хамастың одақтасы ретінде қабылданады.
Дағдарыстың алғашқы күндерінде Анкараның делдал ұсынысы қабылданбады, содан кейін Түркия Палестина лаңкестік ұйымының жағына шықты.
Түркия Сыртқы істер министрлігінің Таяу Шығыс департаментінде ұзақ жыл жұмыс істеген Құрметті елшісі Сафак Гөктүріктің айтуынша, Анкараның бұл саясатының себебі, ең алдымен ішкі: билеуші Әділет және даму партиясының (ӘДП) негізгі электораты - консервативті мұсылмандар болғандығында.
Оның үстіне ӘДП басқарған 20 жыл ішінде екі ел арасындағы тауар айналымы алты есеге өсті.
Түркияның Экономикалық саясатты зерттеу қорының Сауда зерттеу орталығының директоры Бозкурт Аран бұл жақсы экономикалық қарым-қатынас қазіргі саяси дағдарыстан аман-есен өтеді деп болжайды.
Екі елдің іскер адамдары бір-бірін бұрыннан таниды және сенеді, екі елдің саяси "романының" соңы іскерлік "некеге" ұласуы мүмкін, - деп атап өтті ол.