Израильдің Хамас бекінісіне жасаған соққысынан ондаған адам қаза тапты
Израильдің Хамас бекінісіне жасаған соққысынан кейін ондаған адам қаза тапты, - деп хабарлайды Arbat.media.
Газа секторындағы Джебалия аймағындағы шабуыл туралы не белгілі?
▪️Израиль армиясы құрлық күштері Джебалия аймағында ХАМАС-тың 50-ге жуық лаңкестерін, сондай-ақ Джабалия батальонының командирі Ибрагим Биариді өлтіргенін хабарлады. Израиль барлау қызметінің мәліметінше, ол 7 қазанда содырлардың Израильге шабуылын дайындауға қатысқан.
▪️ЦАХАЛ мәліметі бойынша, Газа секторының солтүстігіндегі осы аймақта лаңкестік әрекеттерді дайындау және өткізу үшін пайдаланылған содырлардың бекініс орны болған. Сондай-ақ бұл жерде Израиль бұған дейін эвакуациялауға шақырған Газадағы ең үлкен босқындар лагерлерінің бірі орналасқан. Израиль армиясының мәліметінше, аймақтағы кейбір азаматтық ғимараттарды Джебалия батальонының содырлары басып алған.
▪️Соғыс әуеден де жасалды, бұл Хамастың жерасты инфрақұрылымының қирауына әкелді, деп хабарлады ЦАХАЛ. Әуе соққысы болған жерден түсірілген суретте бірнеше кратер, сондай-ақ зардап шеккендер көрінеді. Газа секторындағы Хамас бақылауындағы денсаулық сақтау министрлігі жүздеген адамның жараланғанын және қаза тапқанын, олардың арасында балалар да бар деп мәлімдеді. Қаза тапқандар мен зардап шеккендер туралы тәуелсіз деректер жоқ.
▪️Израиль билігі бұған дейін ХАМАС содырларын бейбіт тұрғындарды тірі қалқан ретінде пайдаланып, өз позицияларын тұрғын аудандарға, мешіттер мен ауруханаларға орналастырды деп бірнеше рет айыптаған.