Нидерланды Украинаға F-16 ұшақтарын Ресей аумағында пайдалануға рұқсат берді

Нидерланды Украинаға F-16 ұшақтарын Ресей аумағында пайдалануға рұқсат берді. Нидерланд қарулы күштерінің қолбасшысы Онно Эйхельсхайм: «Соғыс заңдары сақталса, біз F-16 ұшағын пайдалану мен ұшу аймағына ешқандай шектеулер қойған жоқпыз» деді, - деп хабарлайды Arbat.media.

Оның айтуынша, бұл Нидерландыдан Киевке жеткізілген басқа да қаруларға да қатысты.

«Біз Украинаның соғыста жеңіске жеткенін қалаймыз және мұны жүзеге асыру үшін бар күш-жігерімізді саламыз», - деп түсіндірді әскери жетекші.

Жалпы, Нидерланды Украинаға 24 F-16 жойғыш ұшағын беруге уәде берді.

Эйхельсхайм олардың қаншасы елде орналастырылғанын айтпады.