Ресей азаматтығын алған 10 мыңға жуық мигрант Украинадағы соғысқа жіберілді

Ресей азаматтығын алған 10 мыңға жуық мигрант Украинадағы соғысқа жіберілді. Бұл туралы Санкт-Петербург халықаралық заң форумында Ресейдің Тергеу комитетінің басшысы Александр Бастрыкин мәлімдеді, деп жариялады "РИА Новости", - деп хабарлайды Arbat.media.

Оның айтуынша, билік әскерге тіркелгісі келмеген 30 мың ресейлік мигрантты «ұстап», оларды тіркеуге алып, 10 мыңға жуығын соғысқа жіберген.

«Бүгінде олар біздің тыл бөлімшелерінің қатарына қосылып отыр», - деп қосты ол.

РБК хабарлағандай, Бастрыкин биліктің мұндай әрекеттерін «мигранттардың Ресейден тыныш кете бастағанына әкелген айла-тәсіл» деп атады.