Ресей экспортталған әскери техникасын қайтаруға тырысуда

Ресей Украинадағы шығынға байланысты экспортталған әскери техникасын қайтаруға тырысуда, - деп хабарлайды Arbat.media.

Бұл туралы The Wall Street Journal жариялады. 

Ресей бұрын Пәкістан, Мысыр, Беларусь және Бразилияға экспорттаған шабуылдау тікұшақтарынан қозғалтқыштарды сатып алуға тырысуда. Осылайша Мәскеу Украинамен соғыста техниканың көп жоғалуына байланысты қару-жарақ тапшылығының орнын толтырғысы келеді, деп жазады The Wall Street Journal.

"Ресей қару-жарақ саудасын дамытуға ондаған жылдар жұмсады. Енді ресейліктер өз клиенттеріне жасырын түрде оралып, сатқандарын қайтарып алуға тырысуда", - деп хабарлады басылымға дереккөздерінің бірі.

Сонымен қатар, кейбір жағдайда Ресей Федерациясы экспорттаудан мүлдем бас тартты: мысалы, Үндістан мен Арменияға арналған қару-жарақ майдан шебіне қайта бағытталды, деп жазады WSJ.