Ресей мобилизацияланғандардың қызмет ету мерзімін шектеуден бас тартты

Ресей Федерациясы мобилизацияланғандардың қызмет ету мерзімін шектеуден бас тартты, - деп хабарлайды Arbat.media.
 
Ресей қорғаныс министрлігі жұмылдырылған ресейліктердің қызмет ету мерзімін бір жылмен шектеуді сұраған Санкт-Петербург заң шығарушы жиналысының депутаты Борис Вишневскийге бас тартумен жауап берді.

Ведомствоның хабарлауынша, жұмылдырылғандардың қызмет ету мерзімі Путин мобилизацияны тоқтату туралы жарлыққа қол қойғаннан кейін аяқталады.

Ресей Қорғаныс министрлігі басқа нұсқаларды «орынсыз» деп санады.

Песков бұған дейін мобилизацияны аяқтау үшін Путиннің жарлығы талап етілмейтінін алға тартқан.

Agora құқық қорғау ұйымының басшысы Павел Чиковтың айтуынша, мобилизацияны аяқтау Ресей заңнамасында қарастырылмаған.