Ресей Украинадағы соғыс кезінде тыйым салынған газды пайдаланады

Ресей Украинадағы соғыс кезінде тыйым салынған газды пайдаланады. Ресей қарулы күштері Украина қарулы күштеріне қарсы CS немесе «Сирень» деп аталатын көзден жас ағызатын газды дрондар арқылы пайдалануда, деп хабарлайды The Telegraph газеті майдан шебіндегі украин жауынгерлерінің әңгімелеріне сүйене отырып, - деп хабарлайды Arbat.media.

Еуропада CS көзден жас ағызатын газды полиция демонстрацияларда бүлікшілерге қарсы жиі қолданады.

Германияда өзін-өзі қорғау үшін оны онлайн тапсырыспен алуға болады. 

Бірақ бұл газды соғыс кезінде пайдалануға Химиялық қару туралы конвенцияға сәйкес тыйым салынған.

Мақалада CS газы өлімге әкелмейтін болса да, ол сарбаздардың траншеялардан қашып кетуіне әкеліп соқтыратын дүрбелең тудырады және оларды кәдімгі қаруларға осал етеді деп жазылған.

Көптеген украин әскери қызметкерлер газға қарсы құралмен жүреді және химиялық шабуыл кезінде өзін қалай ұстау керектігі туралы нұсқаулықтар алған, деп жазады басылым.

Дегенмен барлық жағдайда бұл бәлендей тиімді емес құрал, яғни ескі кеңестік құралды пайдаланып жүр.