Ресейде туу көрсеткіші соңғы 25 жылдағы ең төменгі деңгейге түскен
Ресейде туу көрсеткіші соңғы 25 жылдағы ең төменгі деңгейге түскен. Биылғы жылдың бірінші жартыжылдығында Ресейде 599 600 бала дүниеге келді - бұл 2023 жылдың сәйкес кезеңімен салыстырғанда 16 мыңға аз, деп хабарлайды "Росстат" жариялаған мәліметтер. Бұл да 1999 жылдан бергі туу көрсеткішінің рекордтық төмендеуі. 2024 жылдың қаңтар-маусым айлары аралығында Ресей Федерациясында халық санының табиғи азаюы да 18%-ға жылдамдады. Елде 2023 жылдың бірінші жартыжылдығымен салыстырғанда өлім 49 мыңға көп тіркелді, - деп хабарлайды Arbat.media.
Бұған дейін Мемлекеттік Думаның Отбасын қорғау комитетінің басшысы Нина Останина Ресей Федерациясында «тағы бір арнайы операция» - «арнайы демографиялық операция» өткізуге шақырған.
Шілдеде президенттің баспасөз хатшысы Дмитрий Песков туу көрсеткішінің «өте төмен» болуы Ресейдің болашағы үшін «апат» екенін айтты.