Столтенберг: Украинадағы бейбітшілік АҚШ-тың кепілдіктерін қамтуы керек

"Украинадағы бейбітшілік АҚШ-тың кепілдіктерін қамтуы керек". Украинадағы соғысты тоқтату жөніндегі кез келген келіссөз батыс державалары, ең алдымен АҚШ тарапынан осы елдің қауіпсіздік кепілдігін қамтуы керек, деді 1 қазанда НАТО бас хатшысы қызметінен кеткен Йенс Столтенберг Reuters агенттігіне, - деп хабарлайды Arbat.media.

Батыстың кепілдіктерінсіз Украинадағы бейбіт реттеу Ресейдің картада сызылған ешбір сызықты құрметтемеуіне әкеледі. Кез келген сызық келісілген кезде - ол халықаралық деңгейде мойындалған шекара немесе басқа атысты тоқтату сызығы болсын, біз соғыс сонда аяқталатынына толық сенімді болуымыз керек, деп атап өтті Столтенберг.

Ол 2014 жылы Ресей агрессиясы басталғаннан кейін Украинаның шығысындағы атысты тоқтату туралы бұрынғы келісімдерді еске түсірді — Ресей оны тоқтатпай, қайта шабуыл жасады.

Столтенбергтің айтуынша, Батыс Путиннің Украинаға қатысты ұстанымын өзгерте алмайды.

«Бірақ менің ойымша, егер біз соғысты жалғастырудың құны соншалықты жоғары екенін көрсетсек, оның есептерін өзгерте аламыз, сондықтан оған Украинаны егеменді тәуелсіз мемлекет ретінде қабылдаған дұрыс», - деді ол.