Техаста әйел шіркеу ішінде оқ жаудырды

Хьюстонда полицияның екі қызметкері жексенбі күні АҚШ-тағы ең ірі евангелиялық шіркеулердің бірі Лейквуд ішінде оқ жаудырған әйелді өлтірді, - деп хабарлайды Arbat.media.

Бұл туралы Kazinform Reuters-ке сілтеме жасап жария етті.

«Жанына шамамен 5 жасар баланы ертіп келген шамамен 30 жастағы қарулы әйел шіркеуге кіріп, оқ жаудырды», - деді жексенбі күні тілшілерге Хьюстон полициясының басшысы Трой Финнер.

Оның айтуынша, әйел испан тілінде ғибадат етуге дайындалып жатқан шіркеуде ешкімге зиян келтірмес бұрын өлтірілген. Екі адам жарақат алды, оның ішінде әйелмен еріп келген бала бар.

Бала ауруханаға жеткізілді, оның жағдайы өте ауыр. Ер адам аяғынан жарақат алып, қазір ем алып жатыр.