Трамп пен Путин Украинадағы соғысты тоқтату мәселесін талқылады

Трамп пен Путин Украинадағы соғысты тоқтату мәселесін талқылады, деп хабарлайды Arbat.media.

АҚШ Президенті қайта сайланғалы үшінші рет Ресей президенті Владимир Путинмен телефон арқылы сөйлесіп, Украинадағы соғысты тоқтату мәселесін талқылады. Ұзаққа созылған өзара әңгімеден кейін екі президент те БАҚ өкілдеріне мәлімдеме жасап үлгерді.

Трамп Мәскеу мен Киев шұғыл түрде атысты тоқтату мен бейбіт келісім жасау бойынша келіссөздерге кірісетіндігін мәлімдеді. Ал егер бұл жолы да ортақ мәмілеге келе алмаса АҚШ президенті екі ел арасына арағайын болудан бас тартпақ.

Ал Путин Дональд Трампқа Ресей мен Украинаның тікелей келіссөздерді қайта бастауына қолдау көрсеткені үшін алғыс айтты.