Украина АҚШ пен Ұлыбританияға Ресей аумағындағы нысаналар тізімін тапсырды

Украина АҚШ пен Ұлыбританияға Ресей аумағындағы нысаналар тізімін тапсырды. Украина қарулы күштері ресейлік әскери командалық пункттерге, жанар-жағармай және қару-жарақ қоймаларына, сондай-ақ әскерлер шоғырланған аймақтарға шабуыл жасау үшін америкалық АТАКМС алыс қашықтықтағы зымырандарын, британдық Storm Shadow және француздық SCALP зымырандарын пайдаланғысы келеді, деп жазады Reuters, - деп хабарлайды Arbat.media.

Агенттіктің хабарлауынша, Киев әуелде АТАКМС зымырандарымен соғыс қимылдарына қатысып жатқан ресейлік ұшақтар орналасқан аэродромдарға шабуыл жасауды жоспарлаған.

Алайда Пентагон Ресей өзінің жауынгерлік ұшақтарының 90%-ын Киевке АҚШ-тан жеткізілетін алыс қашықтыққа ұшатын зымырандардың ауқымынан тыс жерге шығарғанын хабарлады.