Украина бойынша Бейбітшілік саммиті 15-16 маусымда Швейцарияда өтеді

Украина бойынша Бейбітшілік саммиті 15-16 маусымда Швейцарияның Бургенсток қаласында өтеді. Бұл туралы Швейцария үкіметі мәлімдеді. Оған ел ресми түрде 160-тан астам делегацияны шақырды, оның ішінде G7, G20 және БРИКС елдері. Ресейді қатысуға шақырмады, - деп хабарлайды Arbat.media.

Украина Сыртқы істер министрі Дмитрий Кулеба Foreign Policy басылымына берген сұхбатында конференцияның басты мақсаты – ұстанымдары мен көзқарастары ортақ елдердің коалициясын құру деп түсіндірді.

Ол Бургенстоктағы кездесудің қорытындысы бойынша Ресей Федерациясымен байланыс орнатуға болатынын, өйткені соғысты екі тарапсыз аяқтау мүмкін еместігін атап өтті.