Украина дрондары Ресейдің төрт облысына шабуыл жасады

Воронеж облысының үстінде үш дрон, Рязань, Белгород және Курск облыстарының үстінде бір-бір дрон атып түсірілді, дейді Ресей қорғаныс министрлігі, - деп хабарлайды Arbat.media.

Воронеж облысының губернаторы Александр Гусев дрондардың құлап, үш жер үйге зақым келгенін айтты.

Зардап шеккендер туралы мәлімет жоқ.

Өз кезегінде «Украинская правда» басылымы Украина қорғаныс министрлігінің Бас барлау басқармасындағы (ГУР) дереккөзіне сілтеме жасап, ұшқышсыз ұшақтардың Рязань және Воронеж облыстарындағы мұнай өңдеу зауыттарына соққы бергенін жазады.