Үндістанда құтқарушылар 17 күн бойы туннельде қалған жұмысшыларға жетті

Үндістанда құтқарушылар 17 күн бойы туннель үйіндісінің астында қалған жұмысшыларға жетті, - деп хабарлайды Arbat.media.

Үйінділер арасынан диаметрі шамамен 90 сантиметр болатын құбыр бұрғыланды, деп хабарлады облыс үкіметінің басшысы.

Құтқарушылар соңғы бірнеше метрлерді қолмен қазуға мәжбүр болды.

Қазір 41 жұмысшы босатылуы мүмкін. Туннель маңында жедел жәрдем көліктері кезекшілік етуде.

Жұмысшылар 12 қарашадан бері көшкіннен кейін құрылыс кезінде жартылай опырылып құлаған 4,5 шақырымдық жол туннельінде қалып қойған.

Жұмысшыларға тамақ, су, оттегі, дәрі-дәрмек тар құбырлар арқылы жеткізілді.

  Сондай-ақ олардың туыстарымен телефон байланысы болған.