Хамас жетекшісі Газа секторының солтүстігінен кетіп қалды

Хамас жетекшісі Яхья Синвар гуманитарлық керуенмен Газа секторының солтүстігінен кетіп қалды, - деп хабарлайды Arbat.media.

Бұл туралы Кан телеарнасы израильдік шенеуніктердің мәлімдемесіне сілтеме жасап хабарлады.

Ол қазір анклавтың оңтүстігіндегі Хан-Юнис қаласында орналасқан деген болжам бар.

Синвар гуманитарлық дәліз арқылы қашып кетті - Израиль оларды бейбіт тұрғындарға ашып қойған болатын.

Хамастың саяси басшылығы Катарда орналасқан, бірақ Синвар лаңкестік топтағы ең беделді адам.

Ол израильдіктерді де, палестиналықтарды да өлтірумен танымал.

Синвар Израиль түрмелерінде 20 жылдан астам уақыт өткізді және 2011 жылы Израиль бір израильдік солдат Гилад Шалиттің босатылуы үшін 1000-нан астам тұтқынды шығарғанда босатылды.