YouTube Никита Михалковтың "Бесогон ТВ" арнасын бұғаттады

YouTube Никита Михалковтың "Бесогон ТВ" арнасын бұғаттады, - деп хабарлайды Arbat.media.

«Бұл аккаунт YouTube-тің кемсітушілік сөздерге қатысты саясатын бірнеше рет немесе елеулі түрде бұзғаны үшін уақытша тоқтатылды», - делінген қызмет хабарламасында.

Михалковтың арнасына бір жарым миллионнан астам адам жазылған.

Бұған дейін YouTube-тегі «Бесогон ТВ» арнасындағы авторлық бағдарламасында Никита Михалков Ельцин орталығын шетелдік агент ретінде тануды талап еткен.

Ол бұл мекеменің қызметін бұрын шетелдік агенттер тізіліміне енгізілген таратылған «Эхо Москвы» радиостанциясының бас редакторы Алексей Венедиктовтың жұмысымен салыстырды.

Қазан айында YouTube видеохостинг қызметі Ресейді бірнеше рет қолдаған америкалық журналист Джексон Хинклдің арнасын жойды. Хинкл өзінің блогында ағымдағы саяси оқиғаларға түсініктеме беріп келген.