1 тамызға арналған ауа райы болжамы

Бүгін еліміздің басым бөлігінде найзағай ойнап, жаңбыр жауады, деп хабарлайды Arbat.Media.

Республика аумағында жел күшейіп, оңтүстігінде шаңды дауыл тұрады. Күндіз Алматы облысында 35 градус қатты ыстық, Атырау облысында, Батыс Қазақстан облысының оңтүстігінде, батысында 35-36 градус қатты ыстық, Маңғыстау облысында 38 градус қатты ыстық болуы мүмкін.

Астанада күн бұлтты, жаңбыр жауады. Күндіз ауа температурасы +22+24°C, желдің жылдамдығы 9-14 м/с, кейде 15-20 м/с-ке жетеді.

Алматыда күн ала бұлтты, жауын-шашын түседі. Күндіз ауа температурасы +30+32°C, желдің жылдамдығы 3-8 м/с, күндіз екпіні 18 м/с.

Шымкентте күн ала бұлтты. Жаңбыр жауады. Күндіз ауа температурасы +34+36°C, желдің жылдамдығы 8-13 м/с, күндіз екпіні 15-20 м/с.