27 маусымға арналған ауа райы болжамы

Бүгін еліміздің басым бөлігінде атмосфералық фронтальды бөлімдердің әсерінен ауа райы құбылмалы болады, деп хабарлайды Arbat.Media.

Найзағай ойнап, жаңбыр жауады. Батыста, солтүстікте, шығыста және орталықта қатты жаңбыр жаууы мүмкін. Жекелеген өңірлерде бұршақ жауып, дауыл тұруы ықтимал.

Республика бойынша жел күшейеді, оңтүстікте шаңды дауыл соғады.

Астанада жаңбыр жауады. Ауа температурасы +21+23°С, желдің жылдамдығы түнде 2-7 м/с, күндіз 9-14 м/с.

Алматыда күн ала бұлтты, жауын-шашын түседі. Ауа температурасы +26+28°С, желдің жылдамдығы 3-8 м/с, күндіз екпіні 13 м/с-ге жетеді.

Шымкентте күн ала бұлтты. Ауа температурасы +32+34°С, желдің жылдамдығы 8-13 м/с, кейде екпіні 15-20 м/с-ге жетеді.