Абай облысында шаруа қожалығының басшысы бюджет қаражатын жымқырған

Абай облысында шаруа қожалығының басшысы жоқ малға мемлекеттен 250 млн теңге алған, деп хабарлайды Arbat.Media.

Тергеу деректеріне сай, ол жалған құжаттарды пайдаланып, ірі қара мал сатып алу үшін жалпы сомасы 250 млн теңгеден асатын екі несие алған.

Алайда алынған қаражат мал шаруашылығын дамытуға емес, жеке мақсатта жұмсалған.

Құжаттарда кепіл ретінде көрсетілген мүлік пен мал іс жүзінде сатып алынбаған.

Мемлекетке келтірілген залал 211 млн теңгені құрады.

Тергеу барысында күдікті келтірілген залалды толық көлемде өтеді.

Оған қатысты елден шықпау туралы бұлтартпау шарасы таңдалды.