Әділет министрлігі: Заңның түсініксіз қазақша нұсқасы кері қайтарылады

Әділет министрі Азамат Есқараев заңдардың мемлекеттік тілдегі мазмұнына байланысты пікірін айтты, - деп хабарлайды Arbat.media.

«Қолданыстағы заңнама бойынша әр мәтінде, әр тілде жазылған текст халыққа түсінікті, қолдануға жеңіл болуы керек деген талап көзделген. Егер мемлекеттік тілде олқылық бар болса, тиісті мамандар мен сарапшылар сол олқылықтарды анықтаса, ондай заң жобасын тіркеуден бас тартамыз. Яғни, оны бастамашы болған органға қайтарамыз».

«Заң жобалары тек бір тілдегі мазмұны бойынша ғана емес,заңнамадағы өзге талаптарға сәйкестігі бойынша сарапталады. Сондықтан нақты мемлекеттік тілдегі мазмұны бойынша статистика жүргізбейміз. Конституцияның қазақ тіліндегі нұсқасы заң тіліне сай деп есептеймін», – деді Азамат Есқараев.