Әйелін өлтірген 73 жастағы зейнеткер 10 жылға сотталды

БҚО қылмыстық істер жөніндегі мамандандырылған ауданаралық сотта 73 жастағы зейнеткерге қатысты үкім шықты. Аталмыш соттан түскен мәліметке қарағанда, зейнеткер ҚР ҚК 99-бабы 1-бөлігіне сәйкес айыпты деп танылды, - деп хабарлайды Arbat.media.

Орал қаласында ер адам өзімен 48 жыл бірге тұрған зайыбын өлтірген, - деп жазады Kazinform агенттігі.

«Зейнеткер өздерінің тұрып жатқан пәтерінде әйелін соққыға жығып, аяқкиімнің бауымен қылғындырып, сосын қолымен мойнынан буындырып өлтірген. Сот отырысында сотталушы жасаған іс-әрекетіне өкінетіндігін, қылмысын мойындайтынын көрсетті», - деп хабарлады ведомстводан.

Сот үкімі күшіне енген жоқ.