“Әйелін жұмысына барып өлтіріп кеткен”: Ер адамға үкім шықты

Әйелін жұмыс орнына барып өлтірген ер адамға үкім шықты, деп хабарлайды Arbat.Media.

27 наурыз күні Жылыой ауданының Құлсары қаласында адам шошытар қылмыс болған. Сот материалдарына сәйкес, қайғылы оқиға болған күні бұрынғы ерлі-зайыптылар арасында хат алмасу кезінде жанжал туындаған. Жанжалдан кейін ер адам қолына пышақ алып, әйел жұмыс істейтін емханаға барып, оның кабинетіне кіріп, басына, мойнына және кеуде тұсына өлімге әкелетін соққылар жасаған. Әйел оқиға орнында көз жұмды. Артында кәмелетке толмаған балалары қалды.

Сот ер адамды бұзақылық ниетпен кісі өлтіргені үшін кінәлі деп танып, 15 жылға бас бостандығынан айырды. Сондай-ақ, ол марқұмның отбасына моральдық өтемақы төлеуге міндеттелді.