Әкесі ауруханада қайтыс болған соң дәрігерлерді ұрып-соққан
Әкесі ауруханада қайтыс болған соң дәрігерлерді ұрып-соққан екі күдікті ұсталды, - деп хабарлайды Arbat.media.
Талғар ауруханасында дәрігерлерді ұрып-соққан екі күдіктіні Алматы облысы полиция қызметкерлері ұстады.
19 қыркүйек күні сағат Талғар ауданы полиция басқармасының кезекші бөліміне аурухананың 27 жастағы реаниматологы мен 21 жастағы медицина қызметкерін белгісіз біреулер ұрып-соққаны туралы хабар түскен.
«Бұл дерек ҚР ҚК 106-бабы 2-бөлігі бойынша аудан полициясында тіркелді. Жедел іздестіру шаралары барысында Талғар ауданының полиция қызметкерлері 1987 жылы туған Ш. және 1994 жылғы Н. есімді күдіктілерді анықтап, қолға түсірді. Қазіргі уақытта оқиғаның бүкіл мән-жайын жан-жақты, толық және объективті зерттеу үшін сараптама тағайындалып, тергеу жүріп жатыр», - деді Алматы облысы ПД бастығы Бауыржан Әленов.