Әкім орынбасары Қуат Ақшабаевқа қатысты тергеу басталды

Әкім орынбасары Қуат Ақшабаевқа қатысты тергеу басталды, деп хабарлайды Arbat.Media.

Бұған дейін БАҚ-та Алматы облысы Іле ауданы әкімінің орынбасары Қуат Ақшабаев ірі көлемде пара алғаны туралы күдікпен Ұлттық қауіпсіздік комитетінің қолына түскені хабарланған еді. Енді тергеу ісі басталды.

Қауіпсіздік комитеті ақпаратты растады.

«Қазіргі уақытта сотқа дейінгі тергеу жүргізілуде. Басқа ақпарат ҚР Қылмыстық-процестік кодексінің 201-бабының 1-бөлігіне сәйкес жариялауға жатпайды», – делінген комитеттің баспасөз қызметінің хабарламасында.