Әлем чемпионы Айдос Сұлтанғалиға пәтер кілті табыс етілді

Грек-рим күресінен әлем чемпионына кілтті федерацияның жаңа басшы Еркін Оқасов табыстады, деп хабарлайды Arbat.Media. 

Айдос Сұлтанғали Загребте өткен әлем чемпионатында 60 келіге дейінгі салмақта топ жарған.

Бұл – Қазақстан үшін грек-рим күресі бойынша әлем чемпионатындағы соңғы 26 жылдағы алғашқы “алтын”.

Бұған дейін, Айдос 2018 және 2022 жылдары әлем чемпионатында қола жүлде алған.