“Алимент төлеуден үзілді-кесілді бас тартты”: Қуандық Бишімбаевтың экс-әйелі
Әйелін ұрып өлтірді деп айыпталған экс-министр Қуандық Бишімбаевтың бірінші әйелі Назым Қаһарман күйеуінің отбасы алимент төлемей жатқанын айтты, деп хабарлайды Arbat.media.
Экс-министрдің отбасы алимент төлеуден үзілді-кесілді бас тартқан көрінеді. Олар адвокаттардың да айтқан сөзін елеусіз қалдырғанын мәлімдеді. Назым Қаһарманның айтуынша, дәрігерлерге бару мен дәрумен алуға да ақша төленбеген.
2020 жылы ажырасу кезінде Бишімбаевпен алимент туралы жасалған келісім сақталмаған.
«Мен оны үнемі есіме салып отыруым керек. Адвокат Баянға жазуым керек. Мысалы, бүгін 28 наурызда дәл қазіргі сәтте наурыз айына бөлінуі тиіс алимент әлі аударылмаған. Олар өткен жылдың қараша-желтоқсан айларында ғана азды-көпті жүйелі түрде алимент төлей бастады», - деді ол.