Алматы метросын көк түтін мен күйік иісі басты

Алматы метросын көк түтін мен күйік иісі басты, деп хабарлайды Arbat.Media.

Төтенше жағдайлар министрлігің мәліметінше, метрополитен диспетчерінен “Абай” метро станциясында қысқа тұйықталу орын алғаны туралы қоңырау түскен.

“Оқиға орнына жедел түрде ТЖД-ның күштері мен құралдары жіберілді. Тексеру барысында ашық жану белгілері анықталған жоқ. Метрополитеннің мәліметінше, машинист жылжымалы құрамды тоқтатып, жолаушыларды түсіріп тиісті шараларды қабылдаған. Құрам тексеру жүргізу үшін депоға жөнелтілді”, – делінген хабарламада.

Қала әкімдігі де пойыздың тексеруге жіберілгенін, метроның штаттық режимде жұмыс істеп тұрғанын атап өтті.