Алматы облысында 600 мың гектар жер пайдаланылмай отыр

Алматы облысында 180 мың гектардан астам жер мемлекет меншігіне қайтарылды, - деп хабарлайды Arbat.media.

Бұл туралы жиын барысында облыстық жер қатынастары басқармасының басшысы Аманжол Абдрахманов мәлім етті.

106 мың гектардан астам жерді иелері өз еркімен мемлекет меншігіне өткізген, қалған 74 мың гектар сот шешімімен жалға беру шарттары заңсыз деп танылды.

Өз кезегінде облыс әкімінің орынбасары Алмас Батанов қазіргі таңда бұрын жалға алынған пайдаланылмай жатқан жер телімдерін қайтару шаралары жүргізіліп жатқанын тілге тиек етті.
Оның сөзінше, қазіргі таңда жалпы ауданы 120,5 мың гектар болатын 227 жер учаскесі бойынша талап арыздар сотта қаралуда.

Жыл басынан бері облыс аумағында жалпы ауданы 600 мың гектарға жуық жер анықталды.