Алматы облысында үшем шетінеп кетті: дәрігерлер не дейді?

Ауруханада үш жаңа туған нәресте шетінеп кеткені туралы ақпарат әлеуметтік желіде тарады, деп хабарлайды Arbat.Media.

Туыстарының айтуынша, олар үшінші шақалақтың өлімі туралы кеш білген.

Қарасай орталық аудандық ауруханасы мамандарының айтуынша, Ұзынағаш ауылында тұратын жүкті әйел босанғанға дейінгі күтімге алынған.

«18 шілде сағат 03:00-де ол жарғақшаның жыртылуына және тұрақты толғақтарына шағымданып, жедел жәрдем арқылы түсті. Үшемге жүктілікті ескере отырып, басқа емханаға ауыстыру мүмкін болмады. Ана мен нәресте үшін қауіпті болды», - дейді дәрігерлер.

Айтуларынша, жүктіліктің 25 аптасында салмақтары 500 граммға жетпейтін сәбилер дүниеге келген.

Бұл кезеңде өмірлік маңызды органдар, әсіресе өкпе және орталық жүйке жүйесі әлі толық жетілмейді, дейді дәрігерлер.

Қазіргі уақытта көрсетілетін медициналық көмектің сапасына ішкі аудит жүріп жатыр.