Алматыда сейсмикалық қауіпті аумақтарда тұрғын үй салуға шектеу қойылады

Алматыда сейсмикалық қауіпті аумақтарда тұрғын үй салуға шектеу қойылуы мүмкін, деп хабарлайды Arbat.Media.

Сенат отырысында Өнеркәсіп және құрылыс вице-министрі Қуандық Қажкенов жаңа Құрылыс кодексінде сейсмикалық қауіпсіздікке қатысты арнайы нормалар енгізу жоспарланып отырғанын айтты.

Оның сөзінше, құрылыс жобаларын әзірлеу және аумақтарды жоспарлау кезінде сейсмикалық микрозоналау карталары міндетті түрде ескерілмек. Егер Алматы қаласындағыдай жер қыртысының жарықтары немесе аса қауіпті аймақтар анықталса, мұндай жерлерде тұрғын үй салуға тыйым салынады.

Қауіпті аумақтарды көгалдандырып, ол жерлерде саябақтар, скверлер мен демалыс аймақтарын орналастыру көзделіп отыр.