Алматыда түйе үстінде әлемдік рекорд орнатылды

Рекорд Жетісу ауданындағы Алматы ипподромында тіркелді, деп хабарлайды Arbat.Media.

Наурызға арналған мерекелік бағдарлама аясында Динара Сайдалина түйе үстінде садақ атып, 10 секунд ішінде 4 нысананы дәл көздеп, әлемдік рекорд орнатты.

Бұл жетістік Гиннестің рекордтар кітабына тіркелді. Мұндай ату түрі ат үстіндегі дәстүрлі садақ атудан әлдеқайда күрделі.

Себебі ол жоғары деңгейдегі тепе-теңдікті және дәлдікті талап етеді.