Алматыда жаңа жылдық безендіруге 512,3 млн теңге бөлінбек

Алматыда Жаңа жыл мерекесіне дайындық басталды, деп хабарлайды Arbat.Media.

Қала көшелері мен алаңдарын безендіруге, шырша орнатуға және мерекелік концерт өткізуге бюджеттен 512,3 млн теңге жұмсау жоспарланып отыр.

Абай алаңына биіктігі кемінде 13 метр болатын үш деңгейлі шырша қойылады. Сондай-ақ мерекелік инсталляциялар, сәндік композициялар мен жарық арка орнатылмақ.

Мемлекеттік сатып алу порталындағы лоттарға сәйкес, қаражат мынадай бағыттарға бөлінеді:

Абай алаңын безендіру – 288,7 млн теңге;

Үш күндік концерт пен сахнаны безендіру – 138,8 млн теңге;

Көшелерді жарық кронштейндерімен безендіру – 84,8 млн теңге.